Gəncədə 29 yaşlı gənc bıçaqlanıb.
Trend Kəpəz TV-yə (Region TV) istinadən xəbər verir ki, Gəncə şəhər sakini 29 yaşlı Vasif Novruzov döş qəfəsinin sol tərəfinin daxilə keçən kəsilmiş deşilmiş yarası ilə Gəncə şəhər Təcili Tibbi Yardım Xəstəxanasına gətirilib.
Yaralı dərhal əməliyyat olunub və sonrakı müalicə üçün palataya yerləşdirilib. Zərərçəkmişin atası Fəzamil Novrzov ilkin olaraq həkimlərə oğlunun bıçaqlandığını inkar etməyə çalışıb. Sonradan isə Vasif Novruzovun naməlum şəxs tərəfindən bıçaqlandığı məlum olub. Faktla bağlı hüquq mühafizə orqanları tərəfindən araşdırma aparılır.
Milli.Az