Bakı, 30 dekabr, AZƏRTAC
"Caspian Development Bank"da (CDB) hazırda müştərilərə 20-yə yaxın bank xidməti təqdim olunur.
Bankdan AZƏRTAC-a bildiriblər ki, CDB fəaliyyət göstərdiyi bir il ərzində 18 yerli və 4 xarici bankla müxbir münasibətlər yaradıb. Bunun nəticəsində bankın müştəriləri üçün geniş bankçılıq xidmətləri təqdim edilir və xarici valyutalar üzrə xidmətlər daha operativ şəkildə həyata keçirilir. Eyni zamanda, bu il CDB sosial layihələr çərçivəsində Sahibkarlığa Kömək Milli Fondu və Azərbaycan İpoteka Fondu ilə uğurlu əməkdaşlıq münasibətləri yaradıb.
