Bakı. 30 dekabr. REPORT. AZ/ Cəlilabadda çağırışa gedən təcili yardım işçiləri döyülüb. "Report" xəbər verir ki, hadisə rayonun Mirzə Ələkbər Sabir küçəsində baş verib.
Məlumata görə, çağırış yerinə ezam olunan həkimlər sözügedən ünvana çatdıqda ev sahibləri həkim Ruslan Sadıqova yumruq zərbələri endirərək onu döyməyə başlayıblar.
Həkimlərin sözlərinə görə, onlar çağırış yerinə 3 dəqiqə ərzində çatıblar. Lakin ev sahibi xəstənin dünyasını dəyişidiyini əsas gətirərk onlara qarşı güc tətbiq ediblər.
Cəlilabadda baş verən digər hadisə zamanı bir qurup şəxs xəstə aparan təcili tibbi yardım avtomobilinin qarşısını kəsərək avtomobilə zərbələr edniriblər.
Hər iki hadisə ilə bağlı Cəlilabad rayon Polis Şöbəsində araşdıma aparılır.
