Bakı, 30 dekabr, Elvin Camalov, AZƏRTAC
31 dekabr – Dünya Azərbaycanlılarının Həmrəylik Günü və Yeni illə əlaqədar Bakı metrosu gecə saat 01:00-dək sərnişinlərə xidmət göstərəcək.
Bu barədə AZƏRTAC-a “Bakı Metropoliteni” QSC-nin ictimaiyyətlə əlaqələr və mətbuat xidmətinin rəisi Nəsimi Paşayev məlumat verib. Onun sözlərinə görə, dekabrın 31-də Bakı metrosunda qatarlar gecə saat 01:00-dək hərəkət edəcək. Əhalinin sıxlığı daha çox olarsa iş saatının artırılması da nəzərdə tutulub.
