"Dinamo Kiyev"in canlı əfsanəsi Aleksandr Şovkovski mövsümün sonunda başa çatacaq müqaviləsini yeniləməkdən imtina edib. Goal.az Ukrayna mətbuatına istinadən xəbər verir ki, bununla da 40 yaşlı qolkiper mövsümün sonunda futbol karyerasını başa vurmağı qərara alıb. Məlumata görə "Dinamo" rəhbərliyi artıq yeni qapıçı axtarışlarına başlayıb. Bir müddət öncə Kiyev klubunun "Dnepr"in qapısını qoruyan Denis Boyko ilə maraqlandığı deylirdi.
Qeyd edək ki, Şovkovski 1993-cü ildən "Dinamo"nun şərəfini qoruyur. O, 22 il ərzində əsas komandada 616 oyuna çıxıb.
Milli.Az
