“Qəbələ” İK “Cavid Hüseynov olayı” və yubileyi haqda

“Qəbələ” İK “Cavid Hüseynov olayı” və yubileyi haqda
23:47 30 Dekabr 2015
35 İdman
Ölkə mətbuatı
A- A+

2015-ci il başa çatır. Bu il Azərbaycanın idman həyatında xüsusilə əlamətdar oldu.

Bu da səbəbsiz deyil. İlin ən yaddaqalan və möhtəşəm idman hadisəsi heç şübhəsiz ki, Bakıda böyük uğurla keçirilən I Avropa Oyunları oldu. Bundan əlavə, Azərbaycan idmançıları dünya və Avropa çempionatlarında, nüfuzlu beynəlxalq turnirlərdə qüvvələrini sınadılar, ölkəmizin aktivinə yüzlərlə yeni medal, kubok, qələbə əmsalları yazdırdılar.

Bu idman uğurlarında təbii ki, bütün idmançılarımızın payı var, o cümlədən də bu il 10 illik yubileyini qeyd edən "Qəbələ" İdman Klubunun.

2015-ci il "Qəbələ" İdman Klubundan (İK) ötrü xüsusilə əlamətdar oldu. Belə ki, "Qəbələ" futbol klubu dövrünün ən parlaq, yaddaqalan uğurunu məhz bu mövsümdə qazandı. Tarixində ikinci dəfə Avropa Liqasında mübarizə aparan "Qəbələ" ilk təsnifat mərhələsindən başlayaraq yarışın qrup mərhələsinədək irəlilədi. Bununla da "qırmızı-qaralar" Azərbaycan futbolu tarixinə ardıcıl 4 mərhələ adlayan ilk klub kimi daxil oldu.

Fanat.az xəbər verir ki, "Virtualaz.org" saytı klubun yubiley ilinin olmasını nəzərə alaraq "Qəbələ" İK rəhbərliyindən müsahibə almağa çalışıb. İK mətbuat xidmətindən isə saytın müraciətinə sualları yazılı göndərmək xahiş edilib. Mətbuat xidmətinin yazılı suallara verilən cavablarını təqdim edirik.

- Bu il "Qəbələ" İdman Klubunun 10 yaşı oldu. 10 ildə keçilən yola necə yekun vurardınız? Uğurlar yubileyi bayram kimi qeyd etməyə kifayət edəcək qədər böyük sayıla bilərmi?
- Bu il 10 illik yubileyini qeyd edən "Qəbələ" İdman Klubu 2015-ci ildə tarixinin ən uğurlu dövrunu yaşadı. İdman klubunun tərkibinə daxil olan tanınmış "Qəbələ" futbol klubu ilə eyni zamanda digər idman klubları da böyük uğurlara imza atdı.

Bu haqda geniş danışmazdan əvvəl "Qəbələ" İK-nin fəaliyyət strategiyasının əsas istiqamətlərinə toxunmaq istərdik.


Müasir tələblərə cavab verən idman infrastrukturunun yaradılması klubun inkişaf strategiyasında önəmli yerlərdən birini tutur. "Qəbələ" futbol klubunun bazası, "Qəbələ" Atıcılıq Kompleksi bölgənin ən müasir və böyük idman qurğuları hesab edilir.

"Qəbələ" İK uşaq futboluna xüsusi diqqət ayırır. Məhz buna görə də Azərbaycanda akademiya yaradan ilk klub məhz "Qəbələ" İK olub. Hazırda isə "Qəbələ" Futbol Akademiyası ölkədə analoji qurumlar arasında ən yaxşısıdır. Akademiyanın yetirmələrinin sayəsində "Qəbələ" demək olar ki, Azərbaycanın bütün yaş qrupundan olan milli komandalarında təmsil olunur. Artıq "Qəbələ" milli komandalar üçün də baza klublarından birinə çevrilib. Belə ki, Azərbaycanın 17, 19 və 21 yaşlılardan (müvafiq olaraq 1997, 1996 və 1995-ci il doğumlu) ibarət yığma komandalarına "Qəbələ"dən 15-dək futbolçu dəvət olunub. Ölkənin 18 və 20 yaşlı futbolçulardan ibarət yığma komandalarının Bakıda təşkil olunan təlim-məşq toplanışına "Qəbələ"nin 10 futbolçusu cəlb edilib. Bu il "Qəbələ"nin futbolçuları - Ruslan Abuşov, Arif Daşdəmirov, Məhəmməd Mirzəbəyov, Rəşad Sadiqov və Ürfan Abbasov Azərbaycanın əsas, Elvin Camalov isə gənclərdən ibarət (U-21) milli komandasının heyətində çıxış edib.


Bu strategiyanın davamı kimi Qəbələdə hər il 15 yaşa qədər futbolçulardan ibarət komandalar arasında beynəlxalq turnir təşkil olunur. Avropanın adlı-sanlı klublarının qatıldığı bu yarış qitənin elit turnirləri sırasında dayanır. Bu turnirlər zamanı Azərbaycanın yeniyetmə futbolçuları fərqli futbol baxışları ilə tanış olur, beynəlxaq oyun təcrübəsi qazanırlar. Bu turnirin əhəmiyyəti həm də ondadır ki, Avropanın ən müxtəlif ölkələrindən gələn məşqçilər, futbolçular ölkədə gedən inkişafı əyani şəkildə görür, Azərbaycanın tarixi, mədəniyyəti, idman həyatı ilə tanış olurlar.

Hədəflərimiz böyükdür. Özü də təkcə futbol sahəsində yox. Atıcılıq idmanı da prioritet verdiyimiz sahələrdəndir. Nəzərə alın ki, "Bakı-2015" I Avropa Oyunlarından sonra ən böyük yarışlardan biri olan atıcılıq üzrə Dünya Kubokunun final mərhələsi (İSSF WORLD CUP) məhz Qəbələdə təşkil olunub. Beynəlxalq İdman Atıcılıq Federasiyasının (İSFF) təqvimində dünya və Avropa çempionatından sonra ən nüfuzlu turnirlərdən sayılan bu yarışın təşkilatçılarından biri də məhz "Qəbələ" Atıcılıq Klubu olub. Avqustun 6-dan 16-dək Qəbələ Stend və Ox Atıcılığı Kompleksində keçirilən beynəlxalq yarışda Rio-de-Janeyro Yay Olimpiya Oyunlarına 34 lisenziya uğrunda mübarizə gedib. Bu məqsədlə 94 ölkənin idmançıları ilə birgə 3000-dən artıq nümayəndə ölkəyə səfər edib.


Qəbələdə keçirilən Dünya Kubokuna beynəlxalq qurumlar tərəfindən yüksək qiymət verilib. Qeyd edək ki, bu, Qəbələdə atıcılıq üzrə 2015-cu ildə təşkil olunan ikinci beynəlxalq turnir olub. Dünya Kubokundan öncə isə may ayında ulu öndər Heydər Əliyevin xatirəsinə həsr edilən olimpiya atıcılıq növləri üzrə II Beynəlxalq Qran-pri turniri keçirilmişdi. Bu yarışa 17 ölkədən 150-dən çox idmançı qatılmışdı.

Bütün bunların nətcəsidir ki, "Qəbələ" İdman Klubunun idman sahəsində gördüyü işlər və həyata keçirdiyi çoxsaylı layihələr həmişə diqqət mərkəzində olub. Ölkə idmanının inkışafı yönündə klubun atdığı addımlara dövlət səviyyəsində də yüksək qiymət verilib. Belə ki, dekabrın 24-də Azərbaycan Gənclər və İdman Nazirliyinin 2015-ci ilin yekunları ilə bağlı keçirdiyi tədbirdə "Qəbələ" İK bir neçə nominasiyada mükafatlandırlıb. "Qəbələ" Atıcılıq Klubu ən yaxşı idman təşkilatı adına layiq görülüb. Klubun prezidenti Tale Heydərova bu idmanın inkişafında gördüyü işlərə görə fəxri diplom təqdim olunub. Azərbaycanda və dünyada atıcılıq idmanına göstərdiyi dəstəyə görə Beynəlxalq Atıcılıq Federasiyasının prezidenti Oleqario Baskes Rana tərəfindən ona qızıl medal və fəxti diplom verilib. Qeyd edək ki, Qəbələ Atıcılıq Kompleksi dünyada ilin ən yaxşı qış kompleksi seçilib.

Qeyd edək ki Qəbələ klubunun nəzdində futbol və atıcılıq bölmələri ilə yanaşı boks, taekvondo, cüdo, karate, güləş bölmələri də mövcuddur.

- "Qəbələ" futbol klubu bu il Avropa Liqasında yaxşı oynadı. Azərbaycan və Avropa futbolsevərləri ölkəmizi Avropa miqyasında təmsil etmək gücündə olan yeni marka "kəşf etdi". Amma uğur gəlincə özü ilə məsuliyyət yükü də gətirir. İndi klubun üzərində böyük bir məsuliyyət var: futbolsevərlər klubdan daha böyük uğur gözləyir. Klub bu etimadı növbəti mövsümlərdə də doğrulda biləcəkmi, buna hazırdırmı?
-Təbii ki, qazandığı uğurları ilə tarixini ilbəil zənginləşdirən "Qəbələ" futbol klubu dövrünün ən parlaq, yaddaqalan uğurunu məhz bu mövsümdə qazanıb. Tarixində ikinci dəfə Avropa Liqasında mübarizə aparan "Qəbələ" ilk təsnifat mərhələsindən başlayaraq yarışın qrup mərhələsinədək irəlilədi. Bununla da "qırmızı-qaralar" Azərbaycan futbolu tarixinə ardıcıl 4 mərhələ adlayan ilk klub kimi daxil oldu. Bu mövsümdə Avropa Liqasının 100-dən artıq iştirakçısı arasında cəmi iki klub - "Qəbələ" və Azərbaycan futbolsevərlərinin yaxşı tanıdığı məşhur "Rusenborq" (Norveç) bunu gerçəkləşdirməyi bacarıb.

Yeri gəlmişkən, Azərbaycanda indiyədək heç bir komandaya avrokuboklarda bu qədər uğurla çıxış etmək nəsib olmayıb. "Qəbələ" futbol klubu I təsnifat mərhələsindən pley-offa qədər "Dinamo" (Gürcüstan), "Çukariçki" (Serbiya), "Apollon" (Kipr), "Panatinaikos" (Yunanıstan) klublarını yarışdan kənarlaşdıraraq neçə-neçə skeptiklərin proqnozlarını alt-üst etdi. "Qəbələ" futbol klubu qrup mərhələsində də Avropanın adlı-sanlı klubları ilə mübarizədə layiqli oyun nümayiş etdirdi, ölkə futbolsevərlərinə sevinc dolu anlar yaşatmağa çalışdı. Məhz "Qəbələ"nin sayəsində Azərbaycan azarkeşləri Almaniyanın "Borussiya" (Dortmund), Yunanıstanın PAOK, Rusiyanın "Krasnodar" klublarının oyunlarını canlı izləmək şansı qazandı. "Qəbələ"nin təsnifat və qrup mərhələsində qazandırdığı xallar Azərbaycanın UEFA reytinqində bir neçə pillə irəliləməsinə səbəb oldu. Əlbəttə ki, klub bu uğurların davamını gətirməyi qarşısına əsas məqsəd qoyub.


- Yəqin ki, klubun uğurları ilə eyni zamanda, "Cavid Hüseynov olayı" da diqqət mərkəzində olub?
- Nizam-intizam və mənəvi tərbiyə işi "Qəbələ" futbol klubunun təşkilindən etibarən ən vacib fəaliyyət sahələrindən biri olub, indi də belədir, gələcəkdə də belə olacaq. Bu sahədə əldə edilən uğurların nəticəsi idi ki, "Qəbələ" həmişə nəinki futbol, eləcə də respublika idman aləmində yüksək nizam-intizamı ilə fərqlənib. 2015-ci il futbol mövsümündə "Qəbələ"nin Avropa Liqasındakı uğurları nəticəsində onun dünya futboluna inteqrasiyası bu sahəyə məsuliyyətli münasibəti daha da artırıb. Futbolçular həm ölkənin, həm də dünyanın tanınmış yaşıl meydançalarında klubla eyni zamanda, Azərbaycanı layiqincə təmsil etməyə çalışıb, bununla da azarkeşlərin rəğbətini qazanmağa nail olub. "Qəbələ" qısa bir dövr ərzində regional komanda olmaqdan çıxaraq Ümumazərbaycan klubuna çevrilə bilib.

Bununla yanaşı, dünya futbol aləmi üçün səciyyəvi olan bəzi mənfi tendensiyalar, xüsusilə tanınmış futbolçuların adlarının qalmaqallarda hallanması burada da özünü göstərdi. Komandanın liderlərindən olan Cavid Hüseynovun istər futbol meydanındakı, istərsə də ondan kənardakı emosional addımları belə qalmaqallarla müşayiət olundu. Rəqib komandaların və onların azarkeşlərinin təhrikçi hərəkətləri də burada həlledici rol oynadı. 2015-ci il iyulun 31-də Kiprin Larnaka şəhərinin "Antonis Papadopulos" stadionunda yerli "Apollon" klubu ilə keçirilən oyun ərzində meydançaya saysız-hesabsız yad əşyalar atan kiprli tərəfdarlar Azərbaycan bayrağını təhqir etdilər. Onlar yalnız "Qəbələ" rəsmilərinin lazımi məqamda müdaxiləsi nəticəsində Azərbaycan bayrağını yandırmaqdan çəkindilər. Buna baxmayaraq parçalanmış Azərbaycan bayrağı matç başa çatanadək kiprlilərin açıq-aşkar təhqirinə məruz qaldı. Hətta baş hakim təzyiq və təhqirlər nəticəsində "Qəbələ"yə ola biləcək hücumların qarşısını almaq üçün oyuna 15 dəqiqəlik fasilə verməyə məcbur oldu.

Təbii ki, bu cür gərgin ab-havada oynamaq və eyni zamanda əsəblərini cilovlamaq futbolçular üçün heç də asan deyildi. Cavid Hüseynovun son dəqiqələrdə penaltidən bərabərlik qolunu vurduqdan sonra əl hərəkəti ilə etdiyi jest də bunun nəticəsi idi. "Apollon" klubunun rəsmiləri bunu bildiyi halda UEFA-ya şikayət etdi. Məsələni araşdıran, həmçinin "Qəbələ"nin kapitanı ilə bağlı müdafiə məktubunu dəyərləndirən qitənin ali futbol qurumu kiprlilərin iddialarını əsassız saydı. UEFA oyunda baş verənləri təfərrüatı ilə nəzərdən keçirdikdən sonra Cavid Hüseynova heç bir cəza vermədi.

Bununla belə mənəvi-əxlaqi dəyərlərə həmişə önəm verən klub futbolçu ilə söhbət apararaq onu ciddi tənbeh etdi. Mətbuata verdiyi açıqlamada etdiyi hərəkətin motivini aydınlaşdıran Cavid Hüseynov buna baxmayaraq bu hərəkətdən peşman olduğunu bildirdi və Azərbaycan xalqından üzr istədi.

Cavid Hüseynovun adının fotojurnalist Rasim Əliyevin qətli ilə əlaqələndirilməsi isə bütün ciddiyyəti ilə qarşılandı. "Qəbələ" futbol klubu bu oyunçunun Avropa Liqası kimi məşhur bir turnirdə komanda üçün nə qədər böyük əhəmiyyətə malik olmasına baxmayaraq öz dəyərlərinə sadiq qaldı və hüquq-mühafizə orqanları tərəfindən həbsdən əvvəl onu komandadan uzaqlaşdırdı. Təəssüf hissi ilə qeyd etmək lazımdır ki, bəzi qüvvələr faktı hüquqi müstəvidə dəyərləndirmək əvəzinə onu siyasiləşdirdi. Azərbaycan Respublikasının Prezidenti cənab İlham Əliyev isə haqlı olaraq bu məsələni öz nəzarətinə götürdü. "Qəbələ" klubu belə bir qərar aldığına görə Azərbaycan Prezidentinə dərin minnətdarlığını bildirir. Klub məsələnin ədalətli, obyektiv və şəffaf şəkildə araşdırılacağına və mərhum Rasim Əliyevin valideynlərinin dərdinə şərik olaraq bütün günahkarların cəzalarını alacağına inanır. Bu ölkəmizin və idmanımızın imici üçün də çox vacibdir.

Sonda bir daha bildirmək istərdik ki, "Qəbələ" klubu onun fəaliyyət prinsipləri ilə heç bir vəchlə bir araya sığmayan bu faktdan ciddi nəticələr çıxarıb, istər ölkə birinciliyində, istərsə də Avropa Liqasında keçirilən sonrakı oyunlar zamanı klubda nizam-intizam və mənəvi tərbiyə məslələrinə daha həssas yanaşıb, təxirəsalınmaz tədbirlər planı həyata keçirilib. Bütün bunlar göstərir ki, "Qəbələ" İK idman prinsiplərinə böyük önəm verir və Azərbaycan idmanının nüfuzunun bütün sahələrdə möhkəmləndirilməsi üçün var qüvvəsi ilə çalışacaqdır.

Fanat.az

RƏYLƏR

BU KATEQORİYADAN DİGƏR XƏBƏRLƏR

Ölkə mətbuatında bugün »

Faəliyyətinin əsas hissəsini dənizdə çalışan neftçi: "İlk baxışdan qorxulu gəlsə də dənizə öyrəşirsən"

20 Sentyabr 2017 16:57

"Qarabağ"ın futbolçusu CAR yığmasında

20 Sentyabr 2017 16:57

Türkiyədə helikopter qəzası baş verib

20 Sentyabr 2017 16:53

Makron Parisin Əsədlə bağlı ŞƏRTİNİ AÇIQLADI

20 Sentyabr 2017 16:53

DYP məktəblərin ətrafında nəzarəti gücləndirib

20 Sentyabr 2017 16:49

Bəhram Bağırzadədən MARAQLI ETİRAFLAR: İndiki ağlım olsaydı... - FOTO

20 Sentyabr 2017 16:48

Türkiyədə polis helikopteri qəzaya uğrayıb: bir ölü, bir yaralı

20 Sentyabr 2017 16:47

Şimali Koreyadan Trampa sərt reaksiya

20 Sentyabr 2017 16:39

Eldar Mahmudovun daha bir qeyri-qanuni ƏMƏLİ ÜZƏ ÇIXDI: iki qardaşa qarşı BÖYÜK TƏLƏ

20 Sentyabr 2017 16:38

Erməni deputatlar Bakıya sabah gələcək

20 Sentyabr 2017 16:37

“Qarabağ”ın futbolçusu Cənubi Afrika Respublikasının yığmasına dəvət alıb

20 Sentyabr 2017 16:37

“İctimai internet” layihəsi çərçivəsində 1 milyonuncu istifadəçi mükafatlandırılacaq

20 Sentyabr 2017 16:35

“OUKITEL K10000 MAX” smartfonu üçün ilkin sifarişlərin qəbuluna başlanılıb

20 Sentyabr 2017 16:35

“Caspian Energy Transport Forum” forumu keçirilib

20 Sentyabr 2017 16:35

Bərzani İraq hökuməti qarşısında şərtlərini açıqladı - MÜSTƏQİLLİK TƏMİNATI

20 Sentyabr 2017 16:34

İranın itkin şahzadəsi bu ölkədə tapıldı

20 Sentyabr 2017 16:33

Faiq Ağayevdən Ədalət Şükürova ETİRAZ: “O, özü üçün danışa bilər”

20 Sentyabr 2017 16:33

Dərini canlandırmaq üçün

20 Sentyabr 2017 16:27

Kəmaləddin Heydərov Pakistanın Hərbi Hava Qüvvələri komandanı ilə görüşdü

20 Sentyabr 2017 16:24

Məşhur komandanın məşq meydanında bomba tapıldı

20 Sentyabr 2017 16:23

Qvradiyaçılar Kataloniyada 10 milyon səsvermə bülleteni müsadirə edib

20 Sentyabr 2017 16:22

Şagirdini hamilə qoyan müəllim azadlığa buraxıldı

20 Sentyabr 2017 16:18

“Bank Standard”ın ləğv planı təsdiq olunub

20 Sentyabr 2017 16:12

Atası ilə toya gələn Kənanın dəhşətli ölümü

20 Sentyabr 2017 16:12

Meksika zəlzələsini xəbər verən alimdən növbəti QORXUNC PROQNOZ

20 Sentyabr 2017 16:08

Aİ-nin Siyasət və Təhlükəsizlik üzrə Komitəsinin nümayəndə heyəti Azərbaycana səfər edəcək

20 Sentyabr 2017 16:07

Azərbaycan Mərkəzi Bankı 100 mln. manatlıq not yerləşdirib

20 Sentyabr 2017 16:07

Futbolçunun xanımı biabırçı geyimi ilə gündəmdə - FOTOLAR

20 Sentyabr 2017 16:07

“Accessbank” “myCard” sahiblərinə güzəştlər vəd edir

20 Sentyabr 2017 16:02

Müğənni Lalə Məmmədova həmkarlarını sülhə çağırıb

20 Sentyabr 2017 16:00

Mikail Cabbarov Nazim İbrahimovun yerini tutdu

20 Sentyabr 2017 15:57

584 sosial evin mülkiyyət hüququ təmin edilib

20 Sentyabr 2017 15:54

Mikayıl Cabbarova vəzifə verildi

20 Sentyabr 2017 15:53

Təcili: İŞİD-dən xilas edilən azərbaycanlı uşaqların yaxınları axtarılır - VİDEO

20 Sentyabr 2017 15:53

Müdafiə naziri səfərbərlik və ehtiyat üçün yaradılmış birlik və birləşmələri yoxlayıb

20 Sentyabr 2017 15:52

Teymur Rzayev Rusiya Rəssamlıq Akademiyasının fəxri akademiki seçilib

20 Sentyabr 2017 15:52

Dini konfessiyaların liderləri Brüsselə səfər edəcək

20 Sentyabr 2017 15:47

Azərbaycanda 11 bağlanmış bankın qorunan əmanətçilərinə 747,93 mln. manat kompensasiya ödənilib

20 Sentyabr 2017 15:47

Lənkəranda 6 otaqlı evdə yandı: Xəsayət alan var

20 Sentyabr 2017 15:45

SOCAR hasil olunan xam neft və qazın maya dəyərini açıqlaydı

20 Sentyabr 2017 15:44

Ermənistandan Türkiyəyə təhdid

20 Sentyabr 2017 15:43

Mikayıl Cabbarov: "Bütün mövzular federasiya çərçivəsində müzakirə olunmalıdır"

20 Sentyabr 2017 15:42

Azərbaycanda ilk güzəştli mənzillərin mülkiyyət hüququ qabaqcadan qeydiyyata alınıb

20 Sentyabr 2017 15:42

Sürücülər NARAZIDIR!

20 Sentyabr 2017 15:40

Süd vəzi xərçəngindən özünüzü belə qoruyun - VİDEO

20 Sentyabr 2017 15:38

Güneldən SƏRT İFADƏLƏR: “Zibil iyi gəlir”

20 Sentyabr 2017 15:38

Mikayıl Cabbarov Azərbaycan Qılıncoynatma Federasiyasının prezidenti seçilib

20 Sentyabr 2017 15:37

Bəkir Bozdağ: "Türkiyə Dağlıq Qarabağ münaqişəsi həllini tapanadək Azərbaycanla birlikdə mübarizəsini davam etdirəcək"

20 Sentyabr 2017 15:37

Təzə lobya turşusunun hazırlanması

20 Sentyabr 2017 15:36

İlin sonunadək daha 3 “HTC” smartfonu buraxılacaq

20 Sentyabr 2017 15:35