İstanbul, 31 dekabr, AZƏRTAC
31 dekabr - Dünya Azərbaycanlılarının Həmrəylik Günü Türkiyədə yaşayan, işləyən və təhsil alan azərbaycanlıları bir araya gətirən ən əziz bayramdır. Həmrəylik günü qardaş ölkədəki soydaşlarımız daha da sıx birləşir, bir-birlərini arayır, Azərbaycan dövlətinin müstəqillik işığında toplaşırlar. Bir sözlə, həmrəylik günü Türkiyədə yaşayan azərbaycanlılar üçün əsl el bayramıdır.
Bu fikirləri AZƏRTAC-a müsahibəsində professor Adil Abdullayev söyləyib. O deyib: ”Ümummilli lider Heydər Əliyevin adı ilə bağlı olan 31 dekabr - Dünya Azərbaycanlılarının Həmrəylik Günü ötən dövrdə dünya təqvimində əlamətdar gün kimi özünü doğruldub. Dekabrın 31-i xalqların bölünməsinə və parçalanmasına “yox” deyən bir mübarizə günüdür”.
Sabir Şahtaxtı
AZƏRTAC-ın xüsusi müxbiri
İstanbul