Suriyanın Kamışlı şəhərində bir-birinin ardınca üç partlayış baş verib.
Milli.Az APA-ya istinadən bildirir ki, partlayışlar ticarət obyektləri və restoranların yerləşdiyi küçədə törədilib.
İlkin məlumata əsasən, hadisə nəticəsində azı 10 nəfər ölüb, çox sayda yaralıların olduğu bildirilir.
"Əl-Mayadin" telekanalı xəbər verir ki, terror aktları törədilən ərazinin yaxınlığında daha bir partlayıcı qurğu aşkar edilib. Bir sıra Suriya KİV-lərinin məlumatına əsasən, restoranlardakı partlayışlar terrorçu-kamikadzelər tərəfindən törədilib.
Milli.Az