Türkiyənin Niğdə şəhərində yüksək temperaturla xəstəxanaya gətirilən iki qadından biri dünyasını dəyişib.
Milli.Az musavat.com-a istinadən xəbər verir ki, Ovacık kəndində yaşayan qadınlar iki gün əvvəl yüksək hərarət səbəbi ilə xəstəxanaya yerləşdiriliblər.
Məlumata görə, ölən qadında H1N1 (donuz qripi) virusunun olması şübhəsi ilə təhlükəsizlik tədbirləri görülmüşdü. Xəstəxana işçilərinə və vətəndaşlara maskalar paylanılmışdı.
Kəndin 2-si uşaq olmaqla, 4 sakini də müayinə məqsədilə xəstəxanaya gətirilib.
Həyatını itirən qadının ölüm səbəbinin dəqiqləşdirilməsi üçün araşdırmanın başladıldığı bildirilib.
Milli.Az
