İspaniya Futbol Federasiyasının İntizam komitəsi "Real Betis"in qapıçısı Antonio Adana "Barcelona" ilə oyunda göstərilən sarı vərəqəni ləğv edib.Milli.Az Goal.az-a istinadən bildirir ki, Komitə "Camp Nou"da baş tutmuş qarşılaşmada referi Bikandi Qarrido tərəfindən Əndəlus klubunun qapısına təyin olunmuş penalti epizodunu düzgün hesab etməyib. Bu epizodda Messinin özünün qapıçı ilə təmasa çalışdığı bildirilib.
Bununla yanaşı, Komitə hakimin qərarına etiraz edən qonaq komandanın çalışdırıcısı Pepe Melin tribunaya göndərilməsini dəstəkləyib.
Milli.Az 
