Bakı, 2 yanvar, AZƏRTAC
2016-cı il mayın 10-da Pakistanın Kəraçi şəhərində "Kəraçi Ekspo Mərkəzi"ndə plastik məhsullar, qablaşdırma, kağız və çap ilə bağlı 10-cu Beynəlxalq sərgi (10th Plastic, Packaging, Paper & Print Asia 2016) keçiriləcək.
Azərbaycanda İxracın və İnvestisiyaların Təşviqi Fondundan AZƏRTAC-a bildiriblər ki, "Ecommerce Gateway Pakistan Ltd" şirkətinin təşkilatçılığı ilə keçiriləcək sərgi mayın 12-dək davam edəcək. Sərgiyə Azərbaycanda fəaliyyət göstərən sahibkarlar və iş adamları da dəvət olunurlar.