Bakı, 3 yanvar, AZƏRTAC
Yanvarın 31-də Moskvada Vsevolod Meyerhold adına Mərkəzdə bəstəkar, Əməkdar İncəsənət Xadimi Fərəc Qarayevin “İşlərin vəziyyəti” (Der Stand der Dinge) əsəri səsləndiriləcək.
AZƏRTAC bəstəkarın saytına istinadla xəbər verir ki, əsər Yeni Musiqi Studiyasının ansamblı tərəfindən ifa olunacaq. Ansamblı dirijor İqor Dronov idarə edəcək.
İnstrumental ansambl üçün yazılmış bu əsər Rusiya bəstəkarı, musiqişünas Viktor Yekimovskiyə ithaf edilib.
