İranın ali dini lideri Əli Xameneyi dekabrın 2-də Səudiyyə hökümətinin şiə din alimi Nimr ən-Nimri edam etməsinə münasibət bildirib.
Anspress-in xarici KİV-nə istinadən verdiyi məlumata görə, Xameneyi bu addımına görə Səudiyyə Ərəbistanı hökümətini sərt tənqid edib və bildirib ki, bu hərəkətlərinə görə Səudiyyə siyasətçilərini "müqəddəs cəza" gözləyir:
"Ər-Riyad Tehranın ən-Nimrin edamı haqqında bəyanatlarını "düşmənsayağı" qiymətləndirdi. Şübhəsiz ki, burada günahsız məzlumun qanı qanunsuz şəkildə tökülüb. Ona görə də, səudiyyə siyasətçilərini də bu addımlarına görə, müqəddəs sayılacaq bir cəza gözləyir", - deyə Xameneyi ruhani nümayəndələr qarşısında etdiyi çıxışı zamanı bildirib.
Milli.Az
