Sevilən cütlük Burak Özçivit və Fahriye Evcen Avstriyadakı səyahətlərindən qayıdıblar.
Milli.Az Türkiyə mətbuatına istinadən xəbər verir ki, cütlük Vyanada oteldə fanatlarının onları narahat etməsi haqda danışıb. "Polis müdaxilə edib, çox pis olduq buna. Belə bir şeyin yaşanması xoş deyil", - deyən cütlük mövcud vəziyyətdən narahat olduqlarını bildirib.
Qeyd edək ki, cütlük Vyanada olarkən paylaşdıqları şəkildə təsadüfən qaldıqları otelin adını qeyd ediblər. Sevənləri həmin yerə axışıb. Polis uzun müdaxilədən sonra aktyorların pərəstişkarlarını ərazidən uzaqlaşdırmağa çalışıb. Hadisə zamanı yaranan izdihamda bir neçə nəfər həbs edilib.
Milli.Az