Bakıda daş karxanasında yanğın baş verib.
Lent.az-ın Daxili İşlər Nazirliyinin saytına istinadən verdiyi məlumata görə, yanvarın 1-də Qaradağ rayonunun Qızıldaş qəsəbəsində yerləşən daş karxanalarından birində ümumi sahəsi 14 kvadratmetr olan yardımçı otaqda yanğın baş verib. Nəticədə yanar konstruksiyalar və oradakı əşyalar yanıb, yanğın söndürüldükdən sonra orada usta işləmiş Ağcabədi rayon sakini Abbas Aslanovun yanmış meyiti tapılıb.