Twitter sosial şəbəkənin yaradıcıları dərc edilən postlarda (yazılarda) simvolların sayını 10 minədək çoxaltmaq niyyətindədirlər.
Milli.Az APA-ya istinadən bildirir ki, bu barədə "Re/code" xəbər portalı məlumat yayıb.
Hazırda istifadəçilər maksimum 140 simvoldan ibarət postlar dərc edə bilirlər. Lakin, artıq 2016-cı ilin birinci rübünün sonuna bu məhdudiyyətə dəyişiklik ediləcəyi planlaşdırılır. "Re/code"nin məlumatına görə, şirkətin mənzil-qərargahında bu məlumata şərh verməkdən boyun qaçırıblar.
Qeyd edək ki, ABŞ-ın "Twitter Inc." Şirkəti 2006-cı ildə təsis edilib. Şirkətin mənzil-qərargahı Kaliforniya ştatının San Fransisko şəhərində yerləşir.
Milli.Az