Bakı, 6 yanvar, AZƏRTAC
Bu gün Valentin Qranatkinin xatirəsinə həsr olunmuş XXVIII ənənəvi beynəlxalq turnirdə ikinci turun oyunları keçiriləcək.
AZƏRTAC xəbər verir ki, “C” qrupunda yer alan Azərbaycanın 17 yaşadək futbolçulardan ibarət yığması Bolqarıstanın U-19 komandası ilə qüvvəsini sınayacaq. Matç Bakı vaxtı ilə saat 17:30-da start götürəcək.
Qeyd edək ki, millimizin Latviyanın U-19 komandası ilə turnirin ilk matçında keçirdiyi oyun 1:1 hesablı heç-heçə ilə yekunlaşmışdı.