Azərbaycanın rayonlarında fəaliyyət göstərən Tibbi-Sosial Ekspert Komissiyaları (TSEK) ləğv olunur.
ANS PRESS-in məlumatına görə, bunu mətbuat konfransında jurnalistlərə açıqlama verən əmək və əhalinin sosial müdafiəsi naziri Səlim Müslümov deyib.
Onun sözlərinə görə, nazirlikdə bu istiqamətdə iş aparılır və ilkin əlilliyi tibbi-sosial ekspertiza mütəxəssislərdən ibarət səyyar komissiyalar təyin edəcək.
S. Müslümov deyib ki, ötən ilin sonu - dekabr ayında nazirlikdə səyyar komissiyaların yaradılması ilə bağlı qərar qəbul edilib. Bu komissiyalar regionlara səfər edərək vətəndaşların ilkin əlilliyi ilə bağlı müayinə aparacaqlar.