Bakı, 7 yanvar, AZƏRTAC
Çinin fond bazarının kəskin enişindən sonra (7 faiz) Avropa birjaları da günə geriləmə ilə başlayıb.
AZƏRTAC Euronews telekanalına istinadla xəbər verir ki, investorlar yuanın devalvasiyasını Avropanın ən iri ticarət tərəfdaşı olan Çin iqtisadiyyatının ehtimal edildiyindən daha zəif olduğunun təsdiqi hesab edirlər.
Almaniyanın “Dax” indeksi birdən-birə 3 faiz aşağı düşüb. London fond birjası da enişlə açılıb – burada açılışdan sonra təxminən 2 faizə qədər eniş qeydə alınıb. Paris fond birjasında da 3 faizlik eniş müşahidə olunub.