Bakı. 7 yanvar. REPORT.AZ/ Kosta Rika Azərbaycanda səfirlik açmaq niyyətindədir.
"Report" Azərbaycan XİN-in mətbuat xidmətinə istinadən xəbər verir ki, Kosta Rikanın xarici işlər və etiqad nazirliyindən daxil olmuş notada bu ölkənin 2016-cı ildə Azərbaycanda səfirlik açmaq niyyəti ifadə olunub.
Azərbaycan Xarici İşlər Nazirliyi tərəfindən verilmiş cavab notasında Kosta Rikanın bu qərarının alqışlandığı və səfirliyin fəaliyyətinin iki ölkə arasında əlaqələrin inkişafına mühüm töhfə verəcəyi qeyd olunub.