Tbilisi, 7 yanvar, AZƏRTAC
Gürcüstan ilə Azərbaycan arasında əlaqələr inkişaf edir. Strateji tərəfdaşlar olan ölkələrimizin dostluq münasibətləri başqa dövlətlər üçün nümunədir.
Bu fikirləri AZƏRTAC-ın xüsusi müxbirinə müsahibəsində Gürcüstan parlamentinin maliyyə-büdcə komitəsinin sədri Tamaz Meçiauri söyləyib.
Komitə sədri deyib ki, Gürcüstan ilə Azərbaycanın oxşar cəhətləri çoxdur. Hər iki ölkədə tolerantlığın səviyyəsi yüksəkdir. Biz əlaqələrimizin daha da möhkəmləndirilməsinə çalışmalı, iqtisadi sahədəki imkanlarımızdan səmərəli istifadə etməliyik. Hər iki ölkənin parlamentlərinin deputatları bu istiqamətdə daha fəal çalışmalıdırlar.
Xətayi Əzizov
AZƏRTAC-ın xüsusi müxbiri
Tbilisi