Şimal bölgəsinin provaslavları Milad bayramını qeyd ediblər

Şimal bölgəsinin provaslavları Milad bayramını qeyd ediblər
19:03 7 Yanvar 2016
20 Digər
Ölkə mətbuatı
A- A+


Xaçmaz, 7 yanvar , Elxan Yusifli, AZƏRTAC
Milad bayramı Xaçmazda yerləşən “Müqəddəs möcüzəvi Nikolay” pravoslav kilsəsində qeyd olunub.
AZƏRTAC xəbər verir ki, ölkəmizin şimal rayonlarında yaşayan xristian icmasının üzvləri kilsəyə gələrək dini ayinlər həyata keçirib, dualar oxuyublar. Bayramla əlaqədar əvvəlcədən xüsusi hazırlıq görülüb, şirniyyatlar bişirilib.
Mərasimdə Prezident İlham Əliyevin Azərbaycanın pravoslav xristian icmasına ünvanladığı bayram təbriki oxunub. Vurğulanıb ki, Azərbaycanda xüsusi coşqu ilə qeyd olunan Milad bayramı özündə yeniliyi, əmin-amanlığı, mərhəmət və şəfqət duyğularının təntənəsini təcəssüm etdirir. "Xaçmaz Rayon Rus İcması" ictimai birliyinin sədri Azər Panamarçuk İsa peyğəmbərin mübarək mövludu ilə əlamətdar olan Milad bayramının hər il yüksək səviyyədə qeyd etdiklərini bildirib.
Dini ayinlərin icrasından sonra bayram şirniyyatları paylanılıb.

Xəbərin orijinal ünvanı: http://azertag.az/xeber/Simal_bolgesinin_provaslavlari_Milad_bayramini_qeyd_edibler-916767

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR