Türkiyə millisinin üzvü Mevlüt Erdinçin yeni klubu müəyyənləşib. Fanat.az xəbər verir ki, 28 yaşlı forvard yenidən Fransa çempionatında çıxış edəcək.
Belə ki, Mevlüt "Hannover 96"dan "Genqam"a keçib. Almanlar onu mövsümün sonunadək Fransa klubuna icarəyə verib.
Qeyd edək ki, Mevlüt yayda transfer olunduğu "Hannover 96"nın heyətində 13 rəsmi matça çıxıb. O, əvvəllər Fransanın "Soşo", PSJ, "Renn" və "Sent-Etyen" klublarında çıxış edib. O, Fransanın U-17 və U-19 yığmalarında oynadıqdan sonra Türkiyə millisinə üz tutub.
Fanat.az