Xüsusi təyinatlılar “Baron Şəmi”ni belə tutdular (VİDEO)

Xüsusi təyinatlılar “Baron Şəmi”ni belə tutdular (VİDEO)
22:31 7 Yanvar 2016
336 Ölkə
Ölkə mətbuatı
A- A+

Azərbaycanda "Baron Şəmi" ləqəbli Şəmsəddin Kərimovun tutulmasının görüntüləri yayılıb.

ANS PRESS-in məlumatına görə, Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi və Masallı Rayon Polis Şöbəsi əməkdaşlarının yanvarın 6-da həyata keçirdikləri əməliyyat-axtarış tədbirləri nəticəsində Masallı şəhərində yaşayan, əvvəllər 6 dəfə məhkum olunmuş, "Baron Şəmi" ləqəbli Şəmsəddin Kərimov şübhəli şəxs qismində saxlanılıb.

Baxış zamanı ona məxsus evin həyətindəki quyudan gizlətdiyi ümumi çəkisi 28 kiloqrama yaxın narkotik vasitə, o cümlədən 12 kiloqram 550 qram həşiş qətranı, 7 kiloqram 110 qram tiryək, 6 kiloqram 981 qram heroin və 1 kiloqram 137 qram marixuana aşkar edilərək götürülüb.

Faktla bağlı Cinayət Məcəlləsinin müvafiq maddəsi ilə cinayət işi başlanılıb. Zəruri istintaq və əməliyyat-axtarış tədbirləri davam etdirilir.

Həmin görüntüləri təqdim edirik.



RƏYLƏR

BU KATEQORİYADAN DİGƏR XƏBƏRLƏR