Bakı. 8 yanvar. REPORT.AZ/ İsraildə yanvarın 7-də fələstinlilərlə yerli hərbçilər arasında iki toqquşma qeydə alınıb.
"Report" xəbər verir ki, "Haaretz" nəşri dörd fələstinlinin öldürüldüyünü, qarşı tərəfdən ölən və yaralananın olmadığını yazır.
Hərbçilərin məlumatına görə, üç fələstinli Buş Etsion bölgəsində İsrailin Müdafiə Ordusu nümayəndələrinə hücum etdikdən sonra qətlə yetirilib.
Daha bir fələstinli Xevron yaxınlığında əsgərə hücum etmək istəyərkən öldürülüb. Onun üzərindən, digərlərində olduğu kimi bıçaq aşkar edilib.
