Ərəb koalisiyası: "İran səfirliyinin bombalanması məlumatı yalandır"

Ərəb koalisiyası: "İran səfirliyinin bombalanması məlumatı yalandır"
07:24 8 Yanvar 2016
49 Dünya
Ölkə mətbuatı
A- A+

Səudiyyə Ərəbistanının rəhbərlik etdiyi ərəb koalisiyası  İranın Yəməndəki səfirliyinə hücum olunduğu barədə ittihamları təkzib edib.   

 

“Aparılmış araşdırma bu məlumatların yalan olduğunu və səfirliyin yerləşdiyi rayonda hər-hansı əməliyyatın keçirilmədiyini müəyyən edib”, deyə  koalisiyanın məlumatında bildirilir.   

 

Qeyd edək ki, ötən gün İran hökuməti Səudiyyə Ərəbistanını Yəmənin paytaxtı Sana şəhərindəki İran səfirliyinin binasını bombalamaqda ittiham edib.

 

İRİB-in məlumatına görə, Səudiyyə aviasiyasının zərbələri nəticəsində İran səfirliyinin mühafizə xidmətinin bir neçə əməkdaşı yaralanıb. “Səudiyyə Ərəbistanı səfirlik binasına vurulan zərərə və bir neçə əməkdaşın xəsarət almasına görə məsuliyyət daşıyır”, - deyə İran XİN-in rəsmi nümayəndəsi Hüseyn Baber Ənsari bildirib.


Xəbərin orijinal ünvanı: http://news.lent.az/news/227892

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR