FİFA-nın I vitse-prezidenti Valentin Qranatkinin xatirəsinə həsr olunmuş XXVIII ənənəvi beynəlxalq turnirdə 17 yaşadək futbolçulardan ibarət Azərbaycan yığması bu gün qrupda son matçına çıxacaq.
Milli.Az qol.az-a istinadən xəbər verir ki, C qrupunda qərarlaşan yığmamız Sloveniyanın U-19 komandası ilə qarşılaşacaq.
Keçirdiyi iki görüşdə 4 xal toplayan Təbriz Həsənovun komandası bu oyundan qalib ayrılacağı təqdirdə qrup lideri olacaq. Peterburqski İdman-Konsert Kompleksində keçirilən oyun Bakı vaxtı ilə saat 20:00-da başlayacaq.
Qeyd edək ki, turnirin ilk görüşündə Latviya ilə 1:1 bərabərə qalan Azərbaycan millisi daha sonra Bolqarıstana 2:0 hesabı ilə qalib gəlib.
8 yanvar
20:00. Azərbaycan (U-17) - Sloveniya (U-19)
Peterburqski İdman-Konsert Kompleksi.
Milli.Az