Bakı, 8 yanvar, Zərəngiz Mansurova, AZƏRTAC
Kitabevim.az kitab mağazaları şəbəkəsi “Hədəf” nəşrləri və “XAN” nəşriyyatının 2015-ci ilin dekabr ayı üçün ən çox satılan 30 bədii və tərcümə kitablarının siyahısını təqdim edib.
Kitabevm.az-dan AZƏRTAC-a bildirilib ki, fransada yaşayıb-yaratmış azərbaycanlı yazıçı Əsədullayeva Ümm-əl-Banunun (Banin) “Qafqaz günləri” memuar romanı, Mirzə Kazım bəyin “Bab və babilər. Müridizm və Şamil. Uyğurlar”, Yusif Vəzir Çəmənzəminlinin “Bir cavanın dəftəri”, Abdulla Şaiqin “Xatirələrim”, Mişkinaz Cavid və Turan Cavidin “Cavid haqqında xatirələr”, Cəlil Məmmədquluzadənin “Xatiratım” kitabları, Salam Qədirzadənin “Qış gecəsi” və “Kəndimizdə bir gözəl var” əsərləri, İsa Muğannanın “Məhşər” romanı, Sona Cabbarlının “Onu kim unudar”, Artur Konan Doylun “Son hadisə”, Teodor Drayzerin “Amerika faciəsi” əsərləri və digər bədii ədəbiyyat nümunələri oxucular tərəfindən maraqla qarşılanıb.
