Bakı, 8 yanvar, Zərəngiz Mansurova, AZƏRTAC
“Vektor” nəşriyyatında şair-tərcüməçi Salim Babullaoğlunun “Ədəbi yuxular” adlı kitabı çapdan çıxıb.
Müəllif AZƏRTAC-a bildirib ki, ənənəyə görə Şahmar Əkbərzadə adına Beynəlxalq Ədəbiyyat Mükafatını almış şəxslərin kitabları “Vektor” nəşriyyatı tərəfindən dərc olunur. Belə qələm adamlarından biri də mənəm.
Kitabda müəllifin “Brodski niyə əsəbi idi?”, “Xaqani ilə Nizami yenə bir yerdəydilər...”, “Nazim Hikmət şeirindən vaz keçdimi?”, “Şimborska ilə şəkil çəkdirə bilmədik...”, “Pamuk mənə hansı kitabları və niyə verdi?”, "Borxes sual gözləmədən danışır, Brodski isə susurdu...” adlı yazıları toplanıb.
Kitabın redaktoru və “Ön söz” müəllifi Seyfəddin Hüseynlidir.
