Ukraynanın eks-prezidenti Viktor Yanukoviçin Krımın Ayya burnunda yerləşən iqamətgahı Vladimir Putinin prezident işləri üzrə idarəsinin balansına keçib.
Modern.az Ukrayna KİV-ə istinadən xəbər verir ki, öncə iqamətgah Krım rəhbərliyinə verilməli olsa da, sonradan Rusiya prezidentinin işləri üzrə idarəyə verilib.
Ayya burnunda yerləşən iqamətgah 2007-ci ildə Viktor Yanukoviçin oğlu Aleksandr tərəfindən 1,2 milyon dollara satın alınmışdı. 3,5 hektar ərazini əhatə edən iqamətgah hazırda baxımsız vəziyyətdə qalıb.
Milli.Az