Sumqayıtda marşrut avtobusunun sürücüsü avtobusu əlində stəkanla çay içə-içə idarə edib.
Bunu həmin avtobusun sərnişinlərindən birinin Milli.az-a göndərdiyi video kadrlardan da açıq-aydın görmək olar. Belə ki, 7 nömrəli marşrut avtobusunun sürücüsü sükan arxasında oturaraq əlində stəkanla çay içə-içə sərnişinlərlə dolu avtobusu idarə edir və bu zaman həm onların, həm də özünün həyatını nə dərəcə böyük təhlükə altında qoyduğunun fərqinə varmır.
"Bu kadrları bu gün səhər saat 10-da Sumqayıtda "Şərq bazarın"dan 13-cü mikrorayona doğru hərəkət edən marşrut avtobusunda çəkmişəm. Sürücü əlində çayxanadan aldığı çayı içə-içə avtobusu idarə edir. Hətta yanında çayxanadan aldığı çaynik və qənd qabı da var. Belə hal ilk dəfə deyil ki olur, çox olub. Sadəcə, indi çəkə bildim", - oxucu qeyd edir.
Videonu izləmək üçün şəklə klikləyin: