Piyadalara qarşı cərimələr artırılır

Piyadalara qarşı cərimələr artırılır
16:22 8 Yanvar 2016
32 Digər
Ölkə mətbuatı
A- A+

Mayın 1-dən qüvvəyə minəcək İnzibati Xətalar Məcəlləsində intizamsız piyadalar üçün cərimənin artırılması nəzərdə tutulur.

Milli.Az avtosfer.az-a istinadən bildirir ki, hazırda qüvvədə olan məcəllə piyada keçidindən kənarda yolu keçən piyadalar üçün 20 manat cərimə nəzərdə tutur. Lakin yeni layihə bu qayda pozuntusunu törədən piyada üçün 30 manat cərimə müəyyən edir. Bununla belə, piyadaların törətdikləri digər qayda pozuntularına (məsələn, işıqforun qırmızı işığından keçmə, operativ nəqliyyat vasitəsinə yol verməmə və s.) görə cərimə əvvəlki kimi 20 manat olaraq qalır.

Qanunverici orqanın piyadalar üçün cəriməni artırması, yəqin ki, onların intizamını yüksəltməyə hesablanıb. Məlumdur ki, bəzən sürücülərlə piyadaların cərimələrini bərabərləşdirmək kimi fikirlər səslənir. 

Milli.Az

RƏYLƏR

BU KATEQORİYADAN DİGƏR XƏBƏRLƏR