Rusiya İran-Ermənistan dəmir yolunun tikintisində öz iştirak məsələsini nəzərdən keçirməyə hazırdır.
Report Ermənistan KİV-inə istinadən xəbər verir ki, bu barədə Ermənistanın baş naziri Ovik Abramyanın Rusiyanın nəqliyyat naziri, İqtisadi Əməkdaşlıq üzrə Ermənistan-Rusiya Hökumətlərarası Komissiyanın həmsədri Maksim Sokolov ilə Yerevanda keçirilən görüşün yekunları ilə bağlı bəyan edilib.
İran-Ermənistan dəmir yolunun tikintisi haqqında danışıqlar bir neçə ildir ki, davam edir. Ermənistan layihənin həyata keçirilməsinə başlamaq üçün sərmayəçi axtarır. Layihənin dəyəri 3,5 mlrd. dollar təşkil edir.
Milli.Az
