Pekin, 9 yanvar, AZƏRTAC
Dünyanın ən böyük ikinci iqtisadiyyatına malik olan Çində ötən il istehsal qiymətləri əvvəlki ilə nisbətən 5,2 faiz azalıb.
Çin Milli Statistika Bürosunun məlumatına görə, ötən il istehsal qiymətləri indeksinin (istehsal edilmiş məhsulların fabrik qiyməti) azalma tempi 2014-cü ildəki rəqəmə (1,9 faiz) nisbətən daha böyük olub.
Ekspertlər hesab edirlər ki, Çində istehsal qiymətlərinin aşağı düşməsinə dünya bazarında enerji daşıyıcılarının ucuzlaşmasının da təsiri var.
Şahin Cəfərov
AZƏRTAC-ın xüsusi müxbiri
Pekin
