Bu gün səhər saatlarında İsmayıllıda dəm qazından zəhərlənmə qeydə alınıb. Hadisə şəhərin Mahmud Orucov küçəsi bina 139, mənzil 4 ünvanında qeydə alınıb.
Milli.az Kanal S-ə (Region TV) istinadən xəbər verir ki, hadisə zamanı 1 uşaq anası, 1992-ci il təvəllüdlü Vahidova Elnarə Mübariz qızı yaşadığı evin hamam otağında dəm qazından zəhərlənib.
Xoşbəxtlikdən anasının vaxtında müdaxiləsi nəticəsində Elnarə yüngül xəsarətlə canını qutara bilib. Zərərçəkən şəxsə tibbi yardım göstərib və hazırda ambulator müalicə almaq şərti ilə evə buraxılıb.