"Beşiktaş" Ramon Mottanı "Antalyaspor"a satır. Fanat.az xəbər verir ki, bu barədə İstanbul klubu rəsmi məlumat yayıb.
Birja üçün yayılan açıqlamada deyilir: "Peşəkar futbolçumuz Ramon de Moraes Mottanın transferi ilə bağlı "Antalyaspor"la danışıqlar başlayıb".
Türkiyə mətbuatının məlumatına görə, tərəflər arasında artıq bütün məsələlər razılaşdırılıb.
Qeyd edək ki, 27 yaşlı braziliyalı yarımmüdafiəçi 2013/14 mövsümündə icarə əsasında "Beşiktaş"da çıxış edib. "Qara Qartallar" 2014-cü ildə onun transfer hüququnu Braziliyanın "Korintians" klubundan alıb. Motta indiyədək "Beşiktaş"da 70 oyun keçirərək 5 qol vurub.
Fanat.az