Neft ucuzlaşır, dolların bu günə qiyməti məlumdur

Neft ucuzlaşır, dolların bu günə qiyməti məlumdur
10:13 11 Yanvar 2016
Ölkə mətbuatı
A- A+

Dünya bazarlarında neftin qiyməti ucuzlaşmaqda davam edir.

ANS PRESS-in məlumatına görə, “Brent” markalı neftin qiyməti ucuzlaşaraq 33,04 dollara düşüb.

“Texas” markalı neftin qiyməti də ucuzlaşıb. Belə ki, “Texas” (WTI) markalı neftin bir barelinin qiyməti 32,60 dollara düşüb.


Mənbə: Bloomberg

“AzəriLayt” markalı neft isə cüzi də olsa bahalaşıb. “AzəriLayt”ın bir barelinin qiyməti 0,02 dollar bahalaşaraq 35,79 dollar təşkil edib.

Qızılın qiymətində isə ucuzlaşma müşahidə edilib. "Bloomberg"in məlumatına görə, qiymətli metalın 1 qramı 35,58 dollardır. Ötən gün isə 35,63 dollar olub. Gümüşün qiyməti 1 qram üçün 0.45 dollar müəyyənləşib.


Mənbə: Bloomberg

Milli valyutamız olan manatın məzənnəsi avro və dollar qarşısında öz dəyərini itirməyə davam edib. Azərbaycan Mərkəzi Bankı ötən həftə sonu qarşıdan gələn 3 gün üçün dolların manata qarşı rəsmi məzənnəsini açıqlayıb

Yanvarın 11-ə USD/AZN rəsmi məzənnəsi 1,5642 səviyyəsində müəyyən olunub. Beləliklə, dolların manata qarşı rəsmi məzənnəsi dəyişməyib. Belə ki, bu gün də USD/AZN rəsmi məzənnəsi 1,5642 olub.

Qeyd edək ki, bu məzənnə 9-11 yanvar tarixlərində qüvvədə olacaq. Son rəsmi məzənnə belədir: 1 dollar - 1.5642 AZN, 1 avro 1.7009 AZN, 1 rubl 0.0209 AZN.


Mənbə: Azərbaycan Mərkəzi Bankı


Xəbərin orijinal ünvanı: http://anspress.com/index.php?a=2&lng=az&cid=2&nid=369372

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR