Bakı. 11 yanvar. REPORT.AZ/ Bolqarıstan prezidenti Rosen Plevneliyev Azərbaycanın bu ölkədəki səfiri Emil Kərimovu təltif edib.
"Report" Bolqarıstan KİV-inə istinadən xəbər verir ki, prezident E.Kərimova Azərbaycan-Bolqarıstan münasibətlərinin inkişafına verdiyi töhfəyə görə birinci dərəcəli "Stara Planina" ordeni təqdim edib.
Qeyd edək ki, Azərbaycan Prezidenti İlham Əliyevin 2015-ci il dekabrın 23-də imzaladığı sərəncama əsasən, E.Kərimov Bolqarıstandakı diplomatik fəaliyyətini başa vurur.
