Prezident İlham Əliyev Bakının Suraxanı rayonunda transformatorlar zavodunun açılışında iştirak edib, yüksək gərginlikli avadanlıqlar istehsalı zavodunun təməlini qoyub.
Axşam.az-ın məlumatına görə, ölkə başçısına şirkətin Azərbaycanda və xaricdə gördüyü işlər, ixrac imkanları və perspektivləri barədə məlumat verilib.
Prezident İlham Əliyev iri qabaritli transformatorlar zavodunu işə salıb.
Sonra İlham Əliyev yüksək gərginlikli avadanlıqlar istehsalı zavodunun təməlini qoyub. Prezident görüləcək işlərlə bağlı tapşırıq və tövsiyələrini verib.