Yanvarın 16-da Səməd Vurğun adına Dövlət Rus Dram Teatrının səhnəsində “Şəhrizadın daha bir gecəsi” tamaşası nümayiş olunacaq.
Axşam.az xəbər verir ki, tamaşanın ideya müəllifi və rejissoru Xalq Artisti İranə Tağızadədir. “1001 gecə” şərq nağıllarının motivləri əsasında yazılmış pyesin müəllifi Valentina Reznikovadır.
Dörd novelladan ibarət olan səhnə əsərinin mövzusunda Şəhriyar və Şəhrizadın məhəbbət hekayəsi dayanır ki, bunlar da hər biri janr etibarilə mistik, komediya, lirika və patriotik janrlara ayrılır.
Tamaşada əsas rolları Əməkdar artistlər Firdovsi Atakişiyev və Ayan Mirqasımova ifa edəcəklər.
Qeyd edək ki, teatr 95-ci yubiley mövsümünü məhz adıçəkilən tamaşa ilə açıb.
