Rusiya Bəşər Əsədə siyasi sığınacaq verəcək - PUTİN AÇIQLADI

Rusiya Bəşər Əsədə siyasi sığınacaq verəcək - PUTİN AÇIQLADI
11:24 12 Yanvar 2016
35 Dünya
Ölkə mətbuatı
A- A+

Rusiya prezidenti Suriya lideri Bəşər Əsədi öz ölkəsində yerləşdirə biləcəklərini bəyan edib.

Rusiya prezidenti Vladimir Putinin Almaniyanın “Bild” qəzetinə verdiyi müsahibənin ikinci hissəsi nəşr olunub.

Lent.az-ın Rusiya mediasına istinadən məlumatın görə, Putin bir çox məsələlərlə bağlı fikirlərini bölüşüb. Maraq doğuran məqamlardan biri də Rusiyanın dövlət başçısının Suriyanın faktiki rəhbəri Bəşər Əsəd və onun taleyi haqqında dedikləri olub. Neçə ildir ki, davam edən “Əsəd getməlidirmi?" polemikasına Rusiya liderinin münasibəti belə olub: “Məncə, Bəşər Əsədin aqibətini müzakirə etmək üçün hələ çox tezdir. Amma bir gün Suriya lideri öz ölkəsini tərk etmək qərarına gələrsə, Rusiyada asanlıqlı siyasi sığınacaq ala bilər. Əsədin bizə gəlməsi FTB agenti Edvard Snoudenin gəlib sığınacaq almasından daha asandır. Amma bayaq dediyim kimi, bu məsələnin vaxtı hələ gəlməyib”.

Qeyd edək ki, Qərb mətbuatı bir neçə gün əvvəl Suriya məsələsi ilə bağlı böyük dövlətlərin razılığa gəldiyini və 2017-ci ildə Bəşər Əsədin hakimiyyəti təhvil verəcəyi ilə bağlı planın razılaşdırıldığını yazmışdı.


Xəbərin orijinal ünvanı: http://news.lent.az/news/228330

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR