Bakı, 12 yanvar, AZƏRTAC
Yeni fotoşəkillər Paris terror aktının yeganə sağ qalan iştirakçısı Saleh Abdussalamın Fransa paytaxtında törədilən hücumun ertəsi günü Belçika ilə sərhədi keçərək qaçmağa nail olduğunu sübut edir.
AZƏRTAC Euronews telekanalına istinadla xəbər verir ki, fotoşəkillərdə Saleh Abdussalam onu Brüsselə çatdıran və sonra həbs olunan Həmzə Attu ilə birgə yanacaq doldurma məntəqəsində görünür. Yol boyu onların avtomobili polis tərəfindən üç dəfə yoxlanılsa da, heç biri həbs olunmayıb.