Bakı, 12 yanvar, AZƏRTAC
Futbol üzrə Azərbaycan milli komandasının məşqçiləri Qordan Tsipriç və Draqan Spaşiç Topaz Premyer Liqasında çıxış edən və hazırda Antalyada təlim-məşq toplanışında olan klubların hazırlıq prosesini və yoxlama oyunlarını izləyirlər.
AZƏRTAC xəbər verir ki, millinin baş məşqçisi Robert Prosineçki yanvarın 15-dən onlara qoşulacaq.
Hazırda “Qarabağ”, “Qəbələ”, “Zirə” və “İnter” futbolçuları Türkiyədə hazırlıq keçirlər. Bir neçə gündən sonra “Sumqayıt” komandasının da Antalya düşərgəsinə yollanması gözlənilir.
