Rejissor Nail Naiboğlunun “Stop” layihəsinin növbəti qonağı Avropa Oyunlarının qalibi Ayxan Mamayev olub.
Axşam.az-ın məlumatına görə, idmançı 5 il yaşadığı sevgisindən danışıb:
“5 il sevgi yaşadım. Sonra başa düşdük ki, ayrı-ayrı insanlarıq. Bir-birimizi başa düşmürdük, ayrılmalı olduq. Xanıma öz yolunda uğurlar arzulayıram. Subayam, ürəyimdə heç bir xanım yoxdur. Bu haqda hələ ki, düşünmürəm. Bu il qardaşımın toyu olacaq. Ondan sonra növbə mənə çatır. Düzdür, bunu istəmirəm, amma qisməti bilmək olmur”.
A.Mamayev ilk maaşını da açıqlayıb:
“İlk dəfə idmandan 30 manat qazanmışam. O qədər də böyük məbləğ olmasa da, sevinirdim. İlk dəfə idi ki, əziyyətimin bəhrəsini görürdüm”.