Yanvarın 16-sı və 17-də İçərişəhərdə yerləşən Natəvan qalereyasında lüks geyim markalarının endirimli qiymətlərlə satışı təşkil ediləcək.
Qalereyadan AZƏRTAC-a bildirilib ki, tədbirdə Bevza, Burberry, Prada kimi brendlərin geyim və aksesuarlarının satışı təşkil olunacaq. Bundan başqa iştirakçılar stilist Fidan Şıxzamanovanın tövsiyələrindən də yararlana biləcəklər. Tədbir qeyd olunan tarixlərdə saat 12:00-21:00-dək qonaqların üzünə açıq olacaq.