2015-ci ildə Azərbaycanda baş vermiş qida zəhərlənmələrinin sayı açıqlanıb.
Səhiyyə Nazirliyi Gigiyena və Epidemiologiya Mərkəzindən Lent.az-a verilən məlumata görə, ötən il ümumilikdə 659 qida zəhərlənməsi hadisəsi baş verib. Qida zəhərlənməsi nəticəsində 912 nəfər zərər çəkib.
2015-ci il ərzində ümumilikdə 28 botulizm hadisəsi qeydə alınıb. Nəticədə 49 nəfər zərər çəkib, 3 ölüm faktı qeydə alınıb.
Qeyd edək ki, ölüm halları əsasən İsmayıllı, Binəqədi və Nərimanov rayonlarında yaşanıb. Ölümə səbəb evdə bağlanan xiyar, pomidor turşusundan istifadə olub.
