Bakı, 12 yanvar, Nihad Budaqov, AZƏRTAC
Beynəlxalq investisiya banklarından olan “Bank of America Merrill Lynch” da xam neftin barrel qiymətinin bu il 20 dollaradək ucuzlaşacağını açıqlayıb.
AZƏRTAC xəbər verir ki, bankın yaydığı hesabatında deyilir: “Neft İxrac edən Ölkələr Təşkilatı (OPEC) ölkələri arasındakı qiymət fərqi, İranın yenidən neft bazarına qayıtmağa hazırlaşması, Çinin iqtisadiyyatındakı inkişafın zəifləməsi və bu ölkənin pul vahidi yuanın dəyərinin itirməsi, o cümlədən də ABŞ dollarının digər pul vahidlərinə görə dəyərinin artması ilə əlaqədar neftin barrel qiyməti bu il 20 dollaradək ucuzlaşacaq”.