​Azərbaycanın tanınmış alimi vəfat edib

​Azərbaycanın tanınmış alimi vəfat edib
11:12 13 Yanvar 2016
34 Sosial
Ölkə mətbuatı
A- A+

Bakı. 13 yanvar. REPORT.AZ/ Azərbaycan Texniki Universitetinin (ATU) professoru, Prezident təqaüdçüsü Ayaz Kəngərli vəfat edib.
“Report”un xəbərinə görə, A.Kəngərli universitetin Maşın və mexanizmlər nəzəriyyəsi kafedrasında çalışıb.
Allah rəhmət eləsin!
Qeyd edək ki, A.Kəngərli 1930-cu ildə Naxçıvan şəhərində qulluqçu ailəsində anadan olub. 1947-ci ildə Naxçıvan şəhər 1 saylı orta məktəbini qızıl medalla bitirib, 1952-ci ildə Azərbaycan Politexnik institutunun mexanika fakültəsini fərqlənmə diplomu ilə bitirərək avtomobil üzrə mühəndis-mexanik ixtisası alıb.
1952-1956-cı illərdə Azərbaycan Respublikası avtonəqliyyat nazirliyinin avtomobil bazalarında işləyib.
1957-ci ilin fevral ayında Azərbaycan Politexnik institutu "Maşın detalları" kafedrasının assistenti vəzifəsinə qəbul edilib, 1960-cı ildə həmin kafedranı baş müəllimi, 1970-ci ildən dosenti, 1990-cı ildə “Maşın və mexanizmlər” kafedrasının professoru seçilib.
A. Kəngərli 1969-cu ildə neft maşınlarının dinamikasına aid namizədlik dissertasiyası müdafiə edib, 1972-ci ildə dosent, 1990-cı ildə professor elmi adını alıb.
A. Kəngərli "Maşın və mexanizmlər nəzəriyyəsi" kafedrasının yara­dıcısıdır, 1970-1982 və 2003-2013-cü illərdə ona rəhbərlik edib. Həmin illərdə kafedranın laboratoriya bazası yaradılıb, kurs layihələrinin mövzuları və yerinə yetirilmə qaydaları müasir səviyyəyə yüksəldilib.
1978-1983-cü illərdə "Avtonəqliyyat" fakültəsinin dekanı, 1994-1999-cu illərdə Universitetin xarici əlaqələr üzrə prorektoru vəzifələrində işləyib.
2002-ci ildə yenidən "Maşın və mexanizmlər nəzəriyyəsi" kafedrasının müdiri vəzifəsinə seçilib.
102 elmi, metodik və tədris əsərlərinin, o cümlədən 2 dərsliyin, 1 dərs, çoxlu sayda metodik vəsaitin, iki ixtiranın müəllifidir. Onun hazırladığı çoxlu sayda işləyən mexanizmlərin animasiyaları "maşın və mexanizmlər nəzəriyyəsi" fənnindən aparılan mühazirələrdə istifadə olunur. A.Kəngərlinin rəhbərliyi ilə 3 aspirant texnika elmləri namizədi alimlik dərəcəsi almaq üçün dissertasiya yazıb müdafiə ediblər.
O, respublika, ümumittifaq və beynəlxalq konfranslar və müşavirələrdə çıxışlar edib.

Xəbərin orijinal ünvanı: http://report.az/elm-ve-tehsil/azerbaycanin-taninmis-alimi-vefat-edib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR