Bakı, 13 yanvar, AZƏRTAC
Azərbaycan Dövlət İqtisad Universitetində (ADİU) yeni iqtisadi mühəndislik fakültəsinin yaradılması nəzərdə tutulur. Bu fakültənin yaradılması ilə bağlı yeni ixtisaslar açılacaq. Eyni zamanda, bu ildən ADİU MBA səviyyəsində səhiyyə menecerləri hazırlamağa da başlayacaq.
AZƏRTAC xəbər verir ki, bunu universitetin rektoru, professor Ədalət Muradov jurnalistlərə müsahibəsində bildirib.
Rektor qeyd edib ki, bununla əlaqədar işəgötürənlərlə söhbətlər aparılacaq, ixtisaslar tələbata uyğun müəyyənləşdiriləcək. Əmək bazarının tələblərini öyrənmək üçün işəgötürənlərlə mütəmadi əlaqə saxlanılacaq.
