Gürcü nazir: "SOCAR bu il Gürcüstanın qaza olan tələbatını ödəyə bilməyəcək"

Gürcü nazir: "SOCAR bu il Gürcüstanın qaza olan tələbatını ödəyə bilməyəcək"
16:47 13 Yanvar 2016
18 Digər
Ölkə mətbuatı
A- A+

Gürcüstanın paytaxtı Tbilisidə bu ölkənin hökumət rəsmiləri və SOCAR prezidenti Rövnəq Abdullayevin rəhbərlik etdiyi nümayəndə heyəti arasında aparılan danışıqlar başa çatıb.

Milli.Az APA-ya istinadən bildirir ki, Gürcüstanın baş nazirinin I müavini, energetika naziri Kaxa Kaladze bildirib ki, SOCAR bu il Gürcüstanın təbii qaza olan tələbatını ödəyə bilməyəcək.
 
"Azərbaycandan nəql olunan qazın həcminin artırılması üçün müvafiq investisiya qoyuluşu ilə texniki dəstəyin verilməsi vacibdir. Söhbət Gürcüstana nəql olunan qazın həcminin artırılmasından və bu layihədə SOCAR-ın iştirakından gedir. Tərəflər buna hazırdır", - deyə K.Kaladze bildirib.
 
O qeyd edib ki, Azərbaycan Gürcüstanın strateji tərəfdaşıdır.
 
Qeyd edək ki, bu gün Tbilisidə baş tutan görüş KİV üçün qapalı şəraitdə keçirilib.
 
Gürcüstan tərəfini baş nazir Georgi Kvirikaşvili və Kaxa Kaladze təmsil edib.
 
Xatırladaq ki, ötən gün K.Kaladze bildirib ki, Rusiya tərəfi Gürcüstana nəql olunan qaza görə Azərbaycandan daha ucuz qiymət təklif edir. Lakin baş nazirin müavini qiyməti açıqlamayıb. Bununla yanaşı, o qeyd edib ki, Rusiya tərəfinin təklif etdiyi qiymət SOCAR-a təqdim olunub.

Milli.Az


Xəbərin orijinal ünvanı: http://news.milli.az/world/397591.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR